बुरहानपूर (८ सप्टेंबर): मध्यप्रदेशातील बुरहानपूर जिल्ह्यातील बिरोदा गावात रविवारी रात्री गणेश विसर्जनाच्या मिरवणुकीदरम्यान दोन समुदायांमध्ये तणाव निर्माण होऊन दगडफेक झाली. या घटनेत ३ जण जखमी झाले असून, ७ जणांना अटक करण्यात आली आहे, अशी माहिती पोलिस अधिकाऱ्यांनी दिली.
ही घटना लालबाग पोलीस स्टेशनच्या हद्दीत घडली. विसर्जनाच्या वेळी वाद निर्माण झाला आणि तो वाढत जाऊन दगडफेकीत परिवर्तित झाला.
पोलिसांनी सांगितले की, “सुरक्षा व्यवस्था कायम ठेवण्यासाठी गावात मोठ्या प्रमाणावर पोलीस बंदोबस्त तैनात करण्यात आला असून, सध्या परिस्थिती नियंत्रणात आहे.”
गणेशोत्सवाच्या पार्श्वभूमीवर राज्यभरात शांततेने साजरा होणाऱ्या उत्सवाला गालबोट लागले असून, प्रशासनाकडून परिस्थितीवर बारकाईने लक्ष ठेवले जात आहे.
